الفرق بين المراجعتين لصفحة: «أمثال سورية»

* راح الحمار يطلب قرنين رجع مقطوع الأدنين

* راح العاشق واجا المشتاق

* راح الفلاح للمدينة ما استحلى إلاَّ الدبس بالطحينة

* راح الكتير وما بقي غير القليل

* راح المكتئب لعند المبتلي يطلب دوا للعافية

* راح الناس وبقي النسناس

* راح سالم ورا سالم ما رجع حدا سالم

* راح عالجامع ليصّلي لقى بابو مسكَّر قال منيح إجت منك مو مني

* راس الروم ما بيكسرو القدوم

* راكب على ضهري ومدندل رجليه

* رحت مكسي رجعت منتوف

* رزق الهبل عالمجانين ورزق المجانين على الله

* رفيع متل الخيار القلامي

* رفيقك عالطاحون زحمة

* زاعلي جارتك وخلي للصلح مطرح

* زبادي الخرى ما بتتك سر

* زّلة قدم ولا زّلة لسان

* ساعة الك وساعة لربك

* سألوا القاق ليش بتسرق الصابون قللون الأذى طبع

* سألوها ياستي ليش بتفسي؟ قالت من كتر ما بحشي

* سبحانك يا عاطي ...يا معلي الواطي

* ست خدوج لبست البابوج باجريها العوج

* سكِّر بابك وآ من جارك

* سكِّر دارك ولا تّتهم جارك

* سلِّم عليه وعد أصابيعك

* سمك بالمي ما بينشرى

* سموك مسحر خلص رمضان

* شافت البزاقة بنتها عالحيط قالتلها تسلميلي متل اللولية بالخيط

* شباط اللباط قد ما شبط ولبط ريحة الصيف فيه

* شبع كلبك بيحمي دارك، جوع هرك بياكل فارك

* شتوة نيسان بتسوى السكة والفدان

* شجرة بداري بتحلّ إلى وّ لا لجاري ؟

* شحاد ومشارط

* شرط بالحقلة ولا خناقة عالبيدر

* شروال مالو ودكتو بأربتعش

* شعرة من طيز الخنزير مكسب

* شهوة العجوز بتموز

* شو بدي اتذكر منك يا سفرجل كل عضة بغصة

* شو بيعمل الحاسد مع الرازق

* صاحب الحق سلطان

* صاحب الحق عينو قوية

* صاحبك عند الضيقة بتعرفو

* صاحبي وحبيبي بس ناح الجيبة ما تقرب

* صبرك على نفسك ولا صبر الناس عليك

* صحيح لا تقسم ومقسوم لا تاكل وكول لتشبع

* صنعة في الدبر أمان من الفقر

* صوم وصلي بتركبك القلة

* ضايعة الطاسة

* ضرب [[الأم]] يربرب ..وضرب [[الأب]] يادب

* ضربة المعلم بألف ...ولو شلفها شلف

* ضربني وبكى, سبقني واشتكى

* ضيف المسا يا بياته يا عشا

* طرشة عالباب بتتسمع

* طلطميس ما بيعرف الجمعة من الخميس

* طلع من بيت الزط مؤدن

* طلعت الحشيشة على راس لساني

* طلعوا القبّه حسبوها مزار وهيّه مليانه أحجار

* طنجرة ولقت غطاها

* طول وعقل ما بيجتمعوا

* طولة البال بتهد جبال

* طيزين بفرد لباس

* عاشر السبع ولو أكلك ولا تعاشر الندل ولو حملك

* عطي الخباز خبزو ولو سرق نصو

* علّمناهم الشحادة , سبقونا على البواب

* على حظ الحزينة سكرت المدينة

* على خشتو راقع بشتو زبال وشاكل وردة

* على قد لحافك مد رجليك

* على هامان يا فرعون؟

* عمر عطيني وبالبحر رميني (أو: حظ عطيني وبالبحر رميني)

* عميل منيح وزت بالبحر

* عند البطون ضاعت العقول

* عند الغنايم أنطون نايم

* عنزة ولو طارت

* عيش كتير بتشوف كتير

* عين ما بتقاوم مخرز

* عيونو زرق وسنانو فرق

* فال القرد ولا فالك

* فايق ورايق

* فولة وانقسمت

* فولة وانقسمت نصين

* قاعد لعزا الرقبة

* قال الكلب ألف قولة هشت ولا قولة ناولو

* قال حبني وخدلك جحش..قللو المحبة ماتبصير دحش

* قال مو قيمتك يا بطني قيمتك يا قدري

* قال يا ربي عطيني وجربني قللو أنا ربك وأخبر فيك

* قال يا قاعدين يكفيكم شر الجايين

* قال يا لساني شلون ما درتك بتندار

* قالوا للأعمى منين بتعرف المنيح من الردي قللون من أسعارو

* قالوا للجمل ليش شفتك مرتخية ..الن الشي مو بالجمال.. الشي بالجاذبية

* قالوا للقرد لك لسا الله بدو يمسخك قللون يمكن يساويني غزال

* قالوا للمسمار ليش بتفوت بالحيط قللون من عزم الرص هللي ورايي

* قبل ما تفصل قيس

* قبل ما تقلها كش اضربها واكسير رجلها

* قدرة ولقت غطاها

* قدها قد الفارة وصوتها ملاة الحارة

* قرعة بمشطين وعمية بمكحلتين

* قرعة تحفف مجنونة

* قرقعة وخشيش وطحين ما فيش

* قعود برا ...ولا تقعد جنب الجرا

* قلب حب ما بغض

* قلبك فاضي وعيشك راضي

* قللو شو صار قللو واحد زقَّف والتاني طار

* قللو ليش بتبكي وأنا عمك قللو أنا ببكي لأنَّك عمي

* قللو نام بالبرية ولا تنام قدام طاقة هوية

* قللو يا فرعون مين فرعنك قللو ما حدا ردني

* قلنالو البيت بيتو سّكر الباب وأخد المفتاح

* قليل الخصية بيصير فلكي

* كبرت العوجاية معو

* كثرة الشد بترخي

* كثير النط قليل الصيد

* كل الطرق بتودي للطاحون

* كل جاجة حفَّرت على راسها عفَّرت

* كل حادث وإلو حديث

* كل شي بحسابو يا أعز حبابو

* كل علِّة وألها دوا

* كل عيلة وألها بّلوعة

* كل ما طال دنبو قلّ أدبو

* كل من حط فلوسه بنت السلطان عروسه

* كل مين ألو نبي بيصّلي عليه

* كل مين بغنِّي على ليلو

* كل مين مخطتو على تمو حلوة

* كلب الأمير أمير الكلاب

* كلب داشر ولا سبع مربوط

* كلمة بت ولا عشره لت

* كلمة بتاخدو وكلمة بتجيبو

* كلمة ورد غطاها

* كلمة يا ريت عمرا ما عمرت بيت

* كله عند العرب صابون

* كّلو عند العرب صابون

* كول زيت وناطح الحيط

* كول مع الكافر ولا تاكل مع طويل الأظافر

* كوم حجار ولا هالجار

* كيف ما مال الهوى ميل معو

* لا بتتسرى ولا بتنام برا

* لا بدنا ّنام بين قبور ولا بدنا نشوف منامات وحشة

* لا بيسلِّي ولا بيحلِّي

* لا تاخد الرفسة الماكنة إلا من الحمار الأعرج

* لا تاخد صاحب إلاَّ بعد قتلة

* لا تجود إ ّ لا بالموجود

* لا تحكي يا لسان ورا كل حيط انسان

* لا تحكيلي بشكيلك ولا تبكيلي ببكيلك

* لا تدخل بيت الظّنان ولا تاكل خبز المّنان

* لا تدعي لصاحبك بالسعادة بتخسرو

* لا تغالي بالغالي والردي بالبلاش غالي

* لا تقول عنب ليصير بالسلِّة

* لا تقول فول ليصير بالمكيول

* لا تلوم الغايب حتى يحضر

* لا معلَّقة ولا مطلَّقة

* لا مين عمر سكن ولا مين مون أكل

* لا وش حلو ولا طيز ناعمة

* لابق للشوحة مرجوحة ولأبو بريص قبقاب

* لابق لهالحناك العوج لقة بابوج

* لاقيلي ولا تطعميني

* لأهلها الزق ولبيت حماها النق

* لبس الأسمر أحمر واضحك عليه

* لحاف العيرة ما بيدفي وإن دفَّى ما بيكفِّي

* لسانك حصانك إن صنتو صانك وإن خنتو خانك

* لعب الفار بعبو

* للدوارة متل الشرارة ...للبيت يا ريت

* لما بتصير ورقة التين قد البطة نام ولا تتغّطى

* لو الله بيستجيب دعاوي الكلاب كانت الدنيي مطرت عضام

* لو بدها تشتي كعك كانت غيمت عجين

* لو بيسلم [[الكرم]] من النواطير كان حمل قناطير

* لو ستي اسمها يوسف كنت بعيطلها جدي

* لو شاف الجمل حردبتو لوقع وانقصفت رقبتو

* لو كانت الشركة بركة كانوا كل تنين تزوجوا مرا

* لو لحسته عسل عضللي إصبعي

* لولا المربي ما عرفت ربي

* لولا علبة مكي...كانت الأحوال بتبكي

* لون الزهر بيقهر قهر

* ما باس تمو غير أ مو

* ما بعد [[الصبر]] إ ّ لا المجرفة والقبر

* ما بقي من [[الكرم]] غير الحطب

* ما بيحن عالعود إلاَّ قشرو

* ما بيمّلي عين ابن آدم غير التراب

* ما بين السابق والمسبوق دقة خازوق

* ما حدا بيربي حية بعبو

* ما حدا بيصحلُّو لبن الضرف إلاَّ بيغرف مّنو غرف

* ما حدا بيقول عن زيتو عكر

* ما صرنا هون الا وقلنا يا رب العون

* ما عندو دقن ممشطة

* ما في دخان بلا نار

* ما في شجرة وصلت لربا

* ماشي على بيض

* مالو من شوي اللحم الا ريحتو

* متل أكابر الديماس كبار بعيون حالهم صغار بعيون الناس

* متل الأطرش بالزّفة

* متل الحمام المقطوعة ميتو

* متل القرد الملفلف

* متل الكردي بعد العصر

* متل المقشة الشباطية كل قشة ببلوعة

* متل المي بطلوع

* متل تجارة جحي بالبيض

* متل شباط اللباط ما على كلامو رباط

* متل كرم على درب

* مطرح ما ترزق الزق

* مطرح ما ضيع القرد ابنه

* معك معك عليك عليك

* مكتوب على باب الجنة عمرها حماية ما حبت كنِّة

* مكتوب على قفا الكفكير المنيحة ما بدها تفكير

* ملائكته سارحة"

* من أدب أولاده قهر حساده

* من [[الفقر]] مابنتعشى والكيف فينا داير

* من برّه رخام ومن جوّه سخام

* من تم لتم بتموت الأم

* من تمك أحلى يا كحلا

* من دهنو سقِّيلو

* من فولو قدمولو

* منركب جمل ومنحمل علم ومنقول ما حدا شايفنا

* منين ما ضربت الأقرع بيسيل دمو

* مو عيب إلاَّ على هللي بيقول عيب

* مو كل الحلو تفاح

* مو كل ما واحد خري بدنا نمسحلو خريتو

* مو كل مرة بتسلم الجرة

* مو كل مين قال بكرة العيد دفَّعولو

* موت الدواب غنيمة للكلاب

* موت شهر تعيش دهر

* مين خّلف ما مات

* مين سبق شم الحبق

* مين مالحك لا تخونو ولو كان عبد خوان

* نام يا غنم والحارس ألله

* نشفت البركه وبانت قراميطها

* نطور يا كديش تيطلع الحشيش

* نفِّخ عليها تنجلي

* نفوق ما في الجيب يأتيك ما في الغيب

* نئطة (نقطة ) دم ولاقنطار محبة

* هالك لو تهلك ولو رموك عالمهلك

* هدوليك الغيمات جابوا هدول المطرات

* هذا المثل في الذي لا يملك شيئًا في الحياة)

* هس ...وهس ..وغرفه ونص

* هللي بياخد من غير ملتو بموت من علتو

* هللي بيبعد عن العين بيسلى عن الخاطر

* هللي بيتجوز بالدين بيجو ولادو بالتقسيط

* هللي بيحتاج الكلب بيقللو نهارك سعيد سيدي

* هللي بيسبق بياكل الفستق

* هللي بيسرق البيضة بيسرق الجمل

* هللي بيطلع لفوق بيتعب

* هللي بيعد العصي مو متل هللي بياكلون

* هللي بيعطيه باليمين بياخدو بالشمال

* هللي بيعمل حاله عضمة بتاكلو الكلاب

* هللي بيغربل الناس بينخلوه

* هللي بيفصل من قماش غيره بيوسع

* هللي بيفوتك حصرم بتاكله عنب

* هللي بيموت وهللي بيفوت شيلهم من راسك

* هللي حيطو واطي كل الناس بتدوسو

* هللي خري بري

* هللي شرب البحر ما بيغص بالساقية

* هللي عضته الحية بيخاف من الرسن

* هللي فينا كافينا

* هللي ما بتتعب فيه الأيادي ما بتحزن عليه القلوب

* هللي ما بيجي معك تعا معو

* هللي ما بيشبع عند أهلو ما بيشبع عند الناس

* هللي ما بيعرفك بيجهلك

* هللي ما بيقدر على حماتو بيندار لمراتو

* هم البنات للممات

* هون حفرنا وهون طمينا

* هين فلسك ولا تهين نفسك

* هين مالك ولا تهين حالك

* واحد حامل ذقنو والتاني تعبان فيها

* واحد كسر إيدو والتاني شحد عليها

* وإن كنتم أخوه تحاسبوا

* وجهو ما بيضحك لرغيف السخن

* وجوه كالحة ومي مالحة

* وطب الجرة على فوها بتطلع البنت لابوها

* وعد الحر دين

* وعد بلا وفا عداوة بلا سبب

* وقت كبر وشاب أخدوه عالكتَّاب

* يا آخدة القرد على مالو بروح [[المال]] وبضل القرد على حالو

* يا أرض اشتدي ما حدا قدي

* يا بايع المسك بسوق الخرا

* يا بسمة الصباح ويا ورد التفاح قلبي ولك دخيلك راح

* يا حواجبو يا عيونو عالمغتسل باين

* يا داخل التربه ومعك فاس ...بدك تاكل همك ولا هم الناس

* يا رايح كتّر ملايح

* يا صبر أيوب

* يا طالب الدبس من طيز النمس قال كفاك الله شر العسل

* يا طيزي بالك ع الدار (يقال للمهمل)

* يا غالب يا مغلوب

* يا غريب كن أديب

* يا كنة من علاكي قالت زوجي وبيت حماي

* يا لبنية بلا كبب يا عداوة بلا سبب

* يا ما تحت السواهي دواهي

* يا مدلع ولدك ياشاقيه بكره تحتاجه ما تلاقيه

* يا مسترخص اللحم عند المرق بتندم

* يا مشتغل بهم الناس همك خّليتو لمين

* يا هارب الك الله

* ياكلني السبع ولا ياكلني الضبع

* يأكلها السبع ولا يأكلها الضبع

* يحب الرفعة ولو على الخازوق

* يحبك حب ويبغضك الرب

* يقال لشرح فوائد الثوم

* يقبر امو لو فتح تمو كان اكل الحكيم وامو

* يللي ألو راس عند الرواس ما بينام الليل

* يللي ألو طباخ لا يزفِّر إيديه

* يللي أولتو شرط آخرتو سلامة

* يللي بإيدو القلم ما بيكتب حالو من الأشقيا

* يللي بإيدو ألله يزيدو

* يللي بدو يدق الباب بدو يسمع الجواب

* يللي برجلو أحسن مّنو (الحذاء)

* يللي بيتو من قزاز لا يرمي الناس بحجارو

* يللي تحت باطو مسّلة بتنغزو

* يللي عند أهلو على مهلو

* يللي ما بخاف الله خاف مّنو

* يللي ما بيشوف من ورا المنخل أعمى

* يللي مالو عتيق مالو جديد

* يللي متلنا تعوا لعنَّا

* يلي بتوفره السمره... بتحطه خطوط وحمره

* يلي بيجي عيني ولي ما بيجي عنتيني

* يلي بيجي يا حلت علينا البركه .. ولي ما بيجي خفف علينا لبكه

* يلي بيجيه شي وبيرده ....يا حيف عليه وعلى جده

 

{{أمثال}}

 

[[تصنيف:أمثال شعبية]]