أمثال مغربية

اشداني لقرع نمشطليه راسو.
زغرتي يا موكة بلارج دار العرس.
ما حس الديب هي بحزاق انعجة.
باش كبرتي ابلارج تاجاك الجراد.
قالو ناس زمان جوج مكيقنعوش:

الأرض ما كتقنعش من المطر.

والعين ماكتقنعش من النظر.

اش عند الموت ماتدي من الديور الخالية.
لي دار العصيدة باردة يكشكش فيها يدو.
انا فهمو ندادي وهو يقلع فأوتادي.
طاح الحك صاب غطاه.
كون كان الخوخ يداوي كون داوا راسو.
الحر بالغمزة والعبد بالدبزة.
حالفة الطريق لاتلاقي العدو والصديق.
اذكر الكلب اوجد العصى.
اجبذ الكلب حط الهراوة.
اتبع حرفة بوك لايغلبوك.
الطلاب يطلب ومرتو تصدق.
جا يكحلها عماها.
اللي ما عندو الفلوس كلامو مسوس.
بغى يهز الدجاج ما لقى غا لعجاج.
حاول على حمارك تحج عليه.
اللي فاتك خليه لبناتك.
اللي فاتك بليلة فاتك بحيلة.
الله ينجيك من المشتاق يلى ذاق ومن الناعس يلى فاق.
دوز على الواد الهرهوري ولا دوز على الواد السكوتي.
مول التاج وكيحتاج.
اللي عضو الحنش كيخاف من الحبل.
اخدم يا التاعس بسعد الناعس.
اللي كيربي ولاد الناس بحال اللي كيدق الما فالمهراز.
نوضوها تشطح دارتها بصح.
أتاي العشية خير من بقرة مشوية.
اللي ما عندو هم كتولدو ليه حمارتو.
يد في الطبق وعين على من زهق.
تعلمو يا الحجاما فروس ليتاما.
بحال الي تيسعى بولدو على كتفو هو تيقول انت على الله وولده تيقول الله يجيب.
جبنا القرع ينوسنا عرى راسو وهوسنا.
دابزو يا الفيران على خميرة الجيران.
راك لبس سلهام وعمامة وانت قليل الفهامة.
الشابة زينة وماعرفاش لعجينة.
الزين في بناتنا سلالة من العمة للخالة.
امدح صاحبك مع الناس ولومو الرأس فالراس.
لو كانت الصفيحة ترد العار، لو كانت رداتو على الحمار.
كون أزماني حرش، وها وجهي بوس وطرش.
تفكر حبيبك وهواه، تفكر فعايلو ونساه.
العشق المزروب، كله عيوب.
ما كينسي البنت في أمها غير همها.
الهم المنحوس, خليتو فدار با لقيتو فدار العروس.
اللَّهُمَّ بْخُّوشَه وْتْونّس وَلاَ يَاقُوتَه وْتْهَوَّسْ.
دِيرْ عِينْ شَافَتْ وَعِينْ مَا شِافْتْ.
اللِّي كَيْعَمْلُه إبْلِيسْ في عَام، تْعْمله العْكُوزَة فْسَاعهْ.
اقرا قرايتك أشوف قدامك، حيت إلى شتي لور يمكن طيح.
يالفاهم هرسك الهم !؟
إذا لم تطع أمك فستطيع زوجة أبيك
قلب البرمة على فمها، تطلع البنت لمها.
الله يرحم من زار وخفف.
الي وصل بلاد غير بلادو خل الهم لولادو.
الفقيه دحمان، قرا البرة سبع أيام، وقاليهم الخط عيان.
مية تخميمة وتخميمة ولا ضربة بمقص.
الحر بالغمزة والعبد بالدبزة.
اللي ما جا بالمحبة مايجي بحزارة.
ضربني وبكى سبقني وشكى.
الدجاجة غسلات رجليها نسات ماداز عليها.
إلى مشى الزين ابقاو حروفو.
اللي دارها بديه افكها بسنيه.
ما قدو الفيل، زادوه فيلة.
ما تيحس بالمزود غير اللي مضروب به.
لا ديالي بقا ولا وجهي تنقى.
جا ايعاونو فقبر باه، هرب لو بالفاس.
شوف بيتو، وخطب بنتو.
اللي بغا يدفع البلا يتوضأ للصلا.
هاك وارا، ما فيها حزارة.
ما تقطع الواد حتى تبان حجارو، وما تمشي في الليل حتى يطلع نهارو، وما تصحب صديق حتى تعرف خبارو.
اللي قال ليك العرس ساهل يسقي ماه.
حتى قط ما تيهرب من دار العرس.
أجي يا مي نوريك دار خوالي.
اللي خلى غذاتو لعشاتو، ما تشفات فيه عداتو.
اللي خلى غذاه لعشاه، ربي غناه.
الناس في الناس والقرع في مشيط الرأس.
إلى اعطاك العاطي، ما تحرث ما تواطي حتى الجبال تطاطي.
طاحت الصومعة، علقو الحجام.
أنا في همو كندادي وهو فتقلاع وتادي.
عيبك أ ولية رديه ليا.
وريه وريه، ويلا عما سير وخليه.
اللي بغى لعسل يصبر لقريص النحل.
السفيه تينطق غبر باللي فيه.
النمل إلى بغى يعذبو الله، تيدير ليه الجناح.
اللي جا على المناول سدة، واللي جا على الغذا تغذى.
فالمقلة وتيحنزز.
المندبة كبيرة والميت فار.
الدار دار بونا, وعبيد بانا اطردونا.
اللي قال العصيدة باردة, ادير يدو فيها.
كلسني(اجلسني جلسة أخيك) كلسة خوك وحاسبني حساب عدوك.
عيات مُتْ الحمق (أم الأحمق) ما تعض فشاربها، قاليها من جهتي غير قطعيه.
علاش عطيتي ميتين يعطي لباك كيتين، لا خد حمر لا سوالف ملوية.
لالة زينة وزادها نور الحمام.
تيبيع القرد وتيضحك على اللي شراه.
ما حد ليتيمة تتبكي، وربي تيزيدها.
اللي بغى الزين, يصبر لتقيب لودنين.
ما عند القرعة ما ترعى من غير مشيط رأسها.
كون تصحابها تكتاب، من دق الباب.
شكارة العروسة مها، وخالتها والحزارة جارتها.
عطاونا ثلث كواش، منهم غطا وفراش.
الشوف ما يبرد الجوف, والناقة ما ترضع الخروف.
الحرفة إلى ما غنات تستر، أو واقيلا تزيد فالعمر.
اللي ما تيخيط كساتو، وما يطيب غذاتو، وما يحلب شاتو موتو حسن من حياتو.
المعروض فنهارو، يبقى فدارو.
الهضرة عليك أ لحادر عينيك.
إلى مات البو توسد الركبة، إلى مات الأم توسد العتبة.
إلى طلقتي المرا، ما توريها دار باها.
العمى والعميات وظفار الجنيات، الأولى تصوت، والثانية تلوط، والثالثة تضرب البوط.
لا تسرج حتى تلجم واعقد عقدة صحيحة, ولا تكلم حتى تخمم لا تعود عليك فضيحة.
الزين بحروفو؛ ديه لمو تشوفو. والقرع بفلوسو؛ أرا داك الراس نبوسو.
حماتي لالتي وبنتها مولاتي.
حماتي وجه الدلو, هي حارة وولدها حلو.
كثرة عطيني ما تخلي حد يبغيني.
دخلناه ياكل الفريت أصدق معانا فادار شريك
اخدم يا صغري على كبري.
اخدم بكري ولا روح تكري.
خبز الدار ياكلو البراني.
دخلناهم يشربوا الرايب قالوا حقنا فالزرايب.
دوام الحال من المحال.
الدنيا دراعة كل واحد كيلبسها ساعة.
نوصيك يا واكل الخوخ من عشرة رد بالك، في النهار تظل منفوخ وبالليل تبات هالك.
الزين زين لفعال.
وجه الشارفة ما يخفى، ولو تحكو بالحلفة.
اللي مدت يدها للحنة، تمدها كلها.
حل عينيك قبل الزواج، أما بعدو غير غمضهوم.
أش خاصك العريان خاتم آمولاي.
الشطابا أعروسا والجفاف أنفيسة.
زواج ليلة تدبيره عام.
تا تطلب الزيت من السفناج.
الفقيه اللي نتسناو براكته ادخل للجامع ببلغته.
اربط احمارك مع الحمير، يتعلم الشهيق والنهيق وخرجان الطريق.
إيلا ارخص الشعير اغلات الحمير.
الحمار مخبي ووذنيه برّا.
يتعلمو الحسانه في روس اليتامه.
طاجين الشمايت، النصبا وقلة ليدام.
احمر يا المشكورة، دبحو الجرو وصلاو على الهيدورة.
لحوانت متصافه والارزاق مختلفة .
باش تاكل الشوك أ عمي الجمل, باللسان لحلو.
لعروسه فوق الكرسي معرفتي فين ترسي.
لوجه المشروك عمر ما يتنقى.
الجديد له جدة والبالي لا تفرط فيه.
دير ما دار جارك ولا حول باب دارك.
الدوام يثقب الرخام.
الخُبْز والمَا مَا تْخَلِّي عَلَى القَلْبْ غمَّه.
دارنا ساترة عوارنا.
اللي عضو الحنش كيخاف من الحبل.
ختار الجار قبل الدار.
اللي قال ليك قال عليك.
على قد لحافك مد رجليك.
عين بنادم مايعمرها غي التراب.
سال المجرب ماتسال الطبيب.
ما يحكك أ ظهري غير ظفري.
عشرة يهود على قنفود.
اللي مشى بلا عراضة يجلس بلا فراش.
لمكسي بديال الناس عريان.
لي غواك رخصو في السوق تخلي نصو.
إلا مشيتى معروض دي معاك عمود.
هدى مريضة أوعيادة تديها.
نهار حتاجيتك أوجهي قمشوك لمشاش.
سيدي زين وزادتو لعين.
اش عرف الحمير في سكينجبير
علمناك سعايا سبقتينا للبيبان الكبار.
الناس مع الناس ؤ المش معا الكرداس.
شكون داها فيك ألعصيدة نهار العيد.
شكون داها فيك أ باداز نهار العيد.
قال ليه شمتتك، قال ليه عرفتك.
لي فاتو الطعام يقول شبعت ؤ لي فاتو الكلام يقول سمعت.
قطرة قطرة كيحمل لواد.
دقة دقة راه لي زربو ماتو.
معامن شفتك معامن شبهتك.
خدام أصغري لكبري.
لقرد شارف ما كيترباش.
أش خصك العريان خاتم أمولاي.
ليوم ليك أو غدا عليك.
الحافر حفار أو لا تغرق راه لي حفر شي حفرة كيطيح فيها.
كثرة الضحك كيفسخ البيع.
الأولى ليك أو الثانية درتيها بيديك.
قطعتي لواد أو نشفو رجليك.
ضحك بلا وقتو مخسر مولاتو.
أنا وخويا على ولد عمي وأنا وولد عمي على لبراني.
لي تكريه شريه لي ترهنوا بيعو ولي تخدمو طيعو.
تبت أو خلي الزرع ينبت.
ما تدير خير ما يطرأ باس.
دير الخير ما يطرا باس.
لي دار لك الخير دير لو الخير ولي دار لك الشر دير لو الخير حتى يغلب خيرك شرو.
لعين بالعين أو السن بالسن أو ليد بالقطيع.
فاش كيحضر الما كيترفع التيموم.
حرك الما يبان لعطشان.
العيطة حامية أو الميت فار.
المندبة كبيرة والميت فار.
لمكسي بحوايج الناس عريان
جوعي فكرشي وعنايتي فراسي
إلى شبعات البازا خلي البرد إصوط.
يلى شبعت الكرش تقول للرأس غني.
لي فيه الفز كيقفز.
فالحزة تيبانو الرجال.
الصاحب صاحب حاجتو.
لي ما دار برأي كبيرو الهم تدبيرو.
صطولا الخاويين ديما كيقرقب.
راراه أو لغوت وراه.
فران أو قاد بحومة.
مادرت عيب ما خطيت صواب.
ضربة لي ما تقتلك كتقويك.
الزيادة من رأس لحمق.
لي مشا للبيع عول على الربح أو لخسارا.
اللهم حرفة اليدين ولا مال الجدين.
الحنا حرشة أو لحنايا عمشة أولعروسة فيها بو تفتاف.
شكون داها فيك العدس نهار العرس.
طلع تاكل الكرموس هبط شكون لي كالها ليك.
ليما عندو سيدو عندو لالاه.
كايعطي الله الفول غير لي ماعندو ضراس.
دخلناه يشرب اللبن شرك معانا الغنم.
الهبيلة بنت الهبيل تاتجيها الحداگة غير بالليل.
حرك الماء يبان العطشان.
الفياق بكري بالذهب مشري.
شاط الخير على زعير
كون كان الخوخ يداوي كون داوَ راسو.
تبع الكذاب حتى لباب الدار.
رضيت بالهم ما رضا بيا، حطيتو عند راسي أصبح عند رجليَّ.
جوع كلبك يتبعك.
الهضرة للسارية والمعنى للجارية.
اللي ضرقك بخيط ضرقو بحيط.
اللي تطيبو المعفونة ياكلو رجلها.
الي دار راسوا قي النخالة ينقبوه الدجاج.
مبعيدة غير تادلة اما سبع حمير موجودة.
لي ضروا رسوا, يعاود لرسوا.
الكلب إلى ما نبح ما عند مولاه فيه ربح.
حزموني ورزموني ولا تعولو عليا.
إلى تقادو لكتاف يعود الكبير يخاف.
اللي تيشطح ما تيغطيش وجهو.
اللهم النعاس في الخلا ولا ضيافة البغلا, اللهم النعاس في البرد ولا ضيافة القرد.
كل قرد في عين مو غزال.
الرجل بالهمة أما اللحية راها حتى عند العتروس.
العتبة مجرودة والركاني بالدودة.
لو كان الحمام تيبَيَّض كون بَيَّض قبابو.
الزين تيحشم على زينو والخايب الا هداه الله.
اللي تسحر مع دراري يصبح فاطر.
عمر الشيخة تنسى هزة الكتف.
لاتكبر شان لبوجعران.
حتى زين ماخطاتو لولة.
لي دار راسو سور كينقزو فوقو الدراري الصغار.
الناس مع الناس والقرع في مشيط الراس.
كثرة الهم كضحك.
دخلناه من لقطر شرك معانا البقر.
يوم ليك و يوم عليك.
ما حَدْهَا تْقَاقِي وهي تْزِيد في البيض.
الرزق قليل وطاحت فيه ذبانة.
الزين يحشم على زينو والخيب غير يلى هداه الله.
هْبيلة وقالوا ليها زغرتي.
اللهم قليل ومداوم ولا كثير ومقطوع.
البس قدك يواتيك.
گزار (جزار) ومعشي باللفت.
حالها ويدوح.
عز الخيل مرابطها.
ما جات بشطيح ما جات برديح، جات غير بالسعد المليح.
عندو الزهر يهرس الحجر.
إلى ما قتلت تسمم
الماكلة بلا ماء من قلة الفهامة.
الا شبعات الكرش كتقول الرأس غني.
جوعي فكرشي اوعنايتي فراسي.
ما تصاحب حتى تجرب أو ما تحرث حتى تزرب أو ما تضرب حتى تقرب
أش خاصك العريان الخاتم أمولاي.
إلى وصلتي لودنيك عضها.
حتا يزيد وسميه سعيد.
الحيط الراشي معندك لاش تعليه.
حل بابك و تمختر ولا سدو و تستر.
الا عطاك سعدك نارك فالما تݣدي و لا خانك الزهر نتا تلم و الريح تدي.
متزرعش فطريقي الشوك يجي نهار و تقصدني حفيان.

ليغرك نوار الدفلة حتى دوق مرارها، و لا يغرك زين الطفلة حتى تشوف فعالها.

خسارة المسمار فاللوح الراشي.
منين يزعم الفار حدا المش عرف الغار قريب.
سير عرج و متكاش على كتف مباغيكش.
منين طيح الجمرة فيديك مدهالي نشدها عليك و متكوينيش بيها و انا غافل.
قالوا كحز قالو راه ظهر لحمار قصير.

المراجع

أمثال شعبية مغربية - مدونة اقرأ